樽頸之一

好討厭消息，

討厭在於自己拿唔到，

連個消息係邊度黎都唔知；

討厭在於人地有，你無，

而你死都要死到返黎；

討厭在於你明明知道

d人放得消息，

一定有所企圖，

試水溫，要你幫受眾們打定底。

討厭在於，

喂有野講你就堂堂正正，

公開講啦，

放乜_野風？

明明讀書時老師們、記協

都以吹風會次數衡量政府/公營機構的資訊透明度，

但出到黎做野，

有邊個記者唔係日日追逐住消息而活，

搶到消息，就跑贏了。

旅行，是尋求陌生感。

陌生的語言、味道，

陌生人、陌生床，

陌生的氣味，

產生關係。

重遊舊地，

則是為了尋找

與這段關係有關的熟悉感。

時間的速度

自從返工之後，

時間開始以光速運轉。

明明覺得自己係岩岩畢業，

轉眼間，

新一班畢業生就湧緊埋黎。

以前無憂無慮，

有海量既假期，

official既，自製既，

鍾意放就放。

宜家放假要悉心部署，

諗過度過，

仲要做定d罐頭故。

而老細派既題，

一次比一次難做，

好似帶我去外太空甘。

好想自己快d成長，

快d變強。

但總係無從入手。

(本來唔係想講呢d，

我只係無聊睇返自己本日記，

講左句粗口，_！乜呢件事已經係2012年既事，點解我覺得過左無耐。

時間以光速運行的話，

我記憶的速度一定係月球漫步甘)